Kreu i Grupit Parlamentar të PS-së, Taulant Balla ka komentuar mundësinë e kandidimit si presidente të ish-deputetes demokrate, Majlinda Bregu. Sipas Ballës është për të ardhur keq fakti që opozita nuk e kandidoi. Balla nuk komentoi nëse e përjashton mundësinë e kandidimit të Bregut nga vetë PS.
“Kam vlerësim tejet pozitiv me znj. Bregu. Më vjen shumë keq që opozita nuk e propozoi znj. Bregu”, deklaroi Balla në “Euronews Albania”.
Drejtuesi i grupit parlamentar socialist tha se do ta votonte Ardian Dvoranin për President nëse do ta miratonte kryesia e PS.
I pyetur nga gazetarja Erla Mëhilli nëse emri i Bregut dhe Dvoranit janë në listën e emrave që do të diskutohen të shtunën në Kryesinë e PS-së, ai nuk e mohoi këtë gjë.
Ai tha se shpreson që kandidatin e socialistëve për President ta mbështesin më shumë se sa 74 deputetë.“Shqipëria duhet të ketë një president sa më të pranuar nga të gjitha shqiptarët. Prandaj kemi thënë që nuk duam një president të PS, por të të gjithë shqiptarëve”, tha Balla.
Discussion about this post