Miqësia e Beniadës me Einxhelin brenda shtëpisë së “Big Brother Vip”, ka qenë një ndër miqësitë më të përfolura dhe më të bukura që u krijua. Por kjo miqësi mbeti vetëm brenda shtëpisë. Pas përfundimit të formatit duket se gocat i kanë dhënë dorën njëra-tjetrës dhe sipas moderatores ato thjesht nuk kanë komunikuar më pasi modelja nuk i ka kërkuar as numrin e telefonit.
Mbrëmjen e djeshme, Beniada ishte e ftuar në emisionin e dy binjakëve Romeo dhe Donald Veshaj “Më lër të flas” ku modelja e pyetur nga Romeo se përse nuk flet më me Einxhelin dhe cila është arsyeja e vërtetë, ajo është shprehur se nuk e di përse nuk i flasin më njëra-tjetrës por sipas saj ajo është shumë okej dhe Einxhelin e ka shumë xhan.
“Me Einxhelin nuk flasim dhe nuk e di përse. Aty brenda kam qenë vetvetja, jo me të gjithë banorët por me Einxhelin dhe Donaldin pata më shumë miqësi. Nuk e di arsyen nuk di as se çfarë të tregoj pasi jam super okej me të kam qenë një super shoqe e kam shumë xhan”.
Kujtojmë se moderatoja i ka dhënë ‘goditjen’ e fundit raportit të saj me Beniadën duke i bërë unfollow në rrjetin social Instagram. Por, së fundmi është vënë re se ajo nuk e ndiqte më modelen në këtë rrjet social teksa Beniada e ndjek ende.
Discussion about this post