Janë bërë plot 100 ditë që nga fillimi i pushtimit rus në Ukrainë, ku kanë mbetur me mijëra të vrarë nga të dyja palët, mes tyre dhe shumë fëmijë. Ndërkohë në një konferencë për mediat Mikhail Pontolyak, këshilltar i presidentit Volodymyr Zelensky, parashikoi se lufta me Rusinë mund të zgjasë deri në gjashtë muaj të tjerë. “Kjo mund të zgjasë edhe dy deri në gjashtë muaj”, tha Pontoliak në një intervistë për mediat. “Një faktor tjetër i rëndësishëm është se si atmosfera në Evropë, Ukrainë dhe Rusi mund të ndryshojë me kalimin e kohës”, shtoi ai.
Sipas Pontolyak, bisedimet e paqes do të zhvillohen vetëm nëse situata në terren ndryshon dhe Rusia mendon se nuk mund të vendosë më kushtet. Ai paralajmëroi gjithashtu se çdo lëshim territorial ndaj Rusisë nuk do të nënkuptonte fundin e luftës. “Disa qytete, të tilla si Mariupol dhe Severodonetsk, ku po zhvillohen luftimet më të ashpra, praktikisht nuk ekzistojnë”, tha këshilltari i Zelensky. Ai vlerësoi humbjet e rusëve në 80,000, duke përfshirë të vdekurit dhe të plagosurit e ushtrisë ruse, midis separatistëve dhe anëtarëve të grupit mercenar Ëagner.
Discussion about this post