I mori makinën 57-vjeçarit për t’ia rregulluar dhe s’ia ktheu më, në kërkim i riu në Fier

Një i ri në qytetin e Fierit është shpallur në kërkim ditën e sotme për veprën penale “Mashtrimi”. Bëhet fjalë për 25-vjeçarin me iniciale E. H.

Nga ana tjetër, lidhur me ngjarjen bëhet e ditur se 25-vjeçari i kishte marrë automjetin tip “BMË” një 57-vjeçari me pretekstin për ta rregulluar në servisin e tij. Por më pas ai nuk e ka kthyer më automjetin.

Rastin e ka denoncuar vetë pronari i automjetit ditën e sotme.

“Në datë 03.06.2022, në Komisariatin e Policisë Fier ka bërë kallëzim shtetasi S. A., 57 vjeç, banues në Fier, se në datën 31.03.2022, shtetasi E. H., 25 vjeç, banues në Fier, i ka mar me anë të mashtrimit, me pretendimin për ta rregulluar në servis, automjetin tip “BMË”, të cilin nuk ia  kthyer më. Materialet do t’i kalojnë Prokurorisë pranë Gjykatës së Shkallës së Parë Fier, për veprën penale “Mashtrimi”.