Delegaçioni qeveritar i Maqedonisë së Veriut i udhëhequr nga kryeministri Zoran Zaev mbërriti në Samitin e NATO-s 2021 në Bruksel.
“Të gjitha takimet për vendin tonë kanë sjellë përfitime, nga bisedimet mund të presim vetëm hapa drejt një të ardhme më të mirë të vendit tonë. Do të jemi në gjendje të gjejmë zgjidhje përmes bisedimeve sepse kemi pritur për një kohë të gjatë, 20 vjet me Marrëveshjen e Asociimit dhe Stabilizimit, 16 vjet si një vend kandidat”– tha Zaev.
Ai theksoi dhe njëherë bindjen se Bullgaria nuk do të jetë pengesë në integrimin e vendit në BE.
”Unë besoj se fqinji ynë lindor Bullgaria do të na mbështesë për të bëjmë hapin e parë, e cila është Konferenca Ndërqeveritare”, përfundoi Zaev.
Ky është Samiti i parë i NATO-s në të cilin Maqedonia e Veriut merr pjesë si anëtare e plotë dhe Samiti i parë i NATO-s me 30 anëtarë.
Organizata e Traktatit të Atlantikut të Veriut, e njohur si NATO, është aleanca më e fuqishme e mbrojtjes rajonale në botë Ajo u krijua në 1949, pas Luftës së Dytë Botërore, për të kundërshtuar kërcënimin e zgjerimit komunist Ajo u themelua në parimin e mbrojtjes kolektive midis aleatëve Fillimisht kishte 12 anëtarë, por tani ka 30 anëtarë.
