Një tjetër aksident i rëndë është shë3nuar pasditen e kësaj të diele ën Vlorë. Burime nga policia bëjnë me dije se ngjarja ka ndodhur rreth orës 18:28 në lagjen “11 Janari”.
Një makinë e paidentifikuar ka përplasur një këmbësor, i cili ka mbetur i plagosur.
42-vjeçari E.H që ka mbetur i plagosur është dërguar menjëherë në spital për t’i dhënë ndihmën mjekësore. Ndërkohë që policia po heton për identifikimin dhe kapjen e drejtuesit të mjetit.
Paraprakisht dyshohet se shkak i aksidentit është bërë mosrespektimi i sinjalistikave rrugore, manovrat e shpejtësisë dhe parakalimet e gabuara.
Grupi hetimor ndodhet në vendngjarje dhe po punon për identifikimin e autorit dhe zbardhjen e rrethanave të aksidentit.
Discussion about this post