Zgjedhja e presidentit të ri të Republikës Bajram Begaj është pasuar me shumë urime nga politikanë dhe figura të njoihura ndërkombëtare. Megjithatë ish-kryeministri Sali berisha i cili dje bojkotoi edhe votimin për zgjedhjen e Begajt në krye të shtetit, sot ka reaguar lidhur me urimin që Aleksandër Vuçiç i ka bërë presidentit të ri. Në një postim në rrjetin social facebook kryetari i PD-së Sali Berisha shkruan se urimi nga ana e Vuçiç nuk ishte gjë tjetër se aprovim që presidenti është gjithashtu pjesë e Ballkanit të Hapur.
“Një urim që dëshmon se presidentin e zgjodhi “Ballkani i Hapur”! Miq, dje në mënyrë të rrufeshme, pseudomazhoranca, në një rast unik në historinë e botës së lirë dhe në shkelje flagrante të kushtetutes, votoi shefin e shtabit të përgjithshëm të Ushtrisë shqiptare, gjeneral Bajram Begaj si president të Republikës”, shkruan Berisha.
Ndër të tjera, Berisha thekson në shkrimin e tij se Vuçiç është padron i Ramës dhe pseudomazhorancës.
“Por përveç kësaj, vetëm pak orë më vonë, padroni i Edi Ramës, serbomadhi Aleksandër Vuçiç do të uronte gjeneral Begajn dhe do t;i kujtonte se aty e zgjodhi Ballkani i Hapur. Në mesazhin e tij, njeriu që u betua javën që kaloi se do mbronte sovranitetin e Kosovës si pjesë e Serbisë shkruan: “Besoj gjithashtu se së bashku do të kemi sukses në zhvillimin e të gjitha potencialeve të nismës “Open Balkans”, e cila do të përmirësojë shumë standardet në rajonin tonë”. Kështu presidenti i Serbomadhisë në mesazhin e tij i referohet jo nismës së Berlinit si kuadri i Bashkimit Europian për bashkëpunimin rajonal të vendeve tona por projektit të tij të serbomadhisë, Ballkani i Hapur. Sb”, shkruan Berisha.
Discussion about this post