Bashkia Tiranë vazhdon të bashkëpunojë dhe të thur afera përmes tenderave me kompani oligarkësh, të privilegjuar nga qeveria. Ditën e sotme është publikuar në faqen e Agjencisë së Prokurimeve Publike një tende i firmosur nga Erion Veliaj me objekt “Ndërtim rrjet ujësjellësi në zonën e Autostradës Tiranë -Durrës “, për të cilin do të shpenzohen 261 334 752,00 milionë lekë. Miliona lekë do të japë Veliaj vetëm për 8 muaj punë, për ndërtime rrejti ujësjellësi që në të vërtet më pas nuk hyjnë në punë dhe mbeten jofunksional.
Gjithsesi, ajo që bie në sy tek ky tender është fakti se në garë kanë marrë pjesë 6 kompani, por Bashkia i ka skualifikuar me argumentin se nuk raportojnë numrin e mjaftueshëm të makinave që nevojiten për shërbim. Kështu ka shpallur fitues bashkimin e operatorëve L.T.E Construction sh.p.k & Ndregjoni sh.p.k, të cilat me sa duket nuk janë përzgjedhur dhe aq rastësisht. Por, rezulton se të dyja këto kompani janë përfshirë edhe në afera të mëparshme më tendera te qeverisë dhe Bashkisë Tiranë.
Marrim këtu kompaninë Ndregjoni sh.p.k. me administrator Xhetan Ndregjoni, i cili është i njohur për shumë tendera që ka marrë pjesë por bujë më të madhe ka bërë pjesëmarrja në aferën për portin e Vlorës. Kujtojmë se një vit më parë, më 13 tetor Këshilli i Ministrave me anë të një vendimi, miratoi kontratën e qirasë 1 euro për ndërtimin e portit të ri turistik të Vlorës, kontratë kjo që u fitua nga bashkimi i disa shoqërive, mes tyre edhe “Ndregjoni” sh.p.k. Pra kjo kompani arrit të rrëmbente koncesionin e portit vetëm me 1 euro. Kështu, Ndergjoni shpk bashkë me miqtë e tij do të menaxhojnë portin e Vlorës për 35 vjet. I frymëzuar nga ky “peshk” i madh që kapi Ndergjoni shpk, Veliaj vendosi ta fusë në listën e tenderave të tij abuziv sot.
Por edhe në këtë tender të Bashkisë Tiranë kompania “Ndergjoni shpk” nuk ka aplikuar e vetme, por në një bashkim me kompaninë L.T.E Construction sh.p.k. Administrator i kësaj kompania është Artur Caushaj, i cili njihet edhe për tendera të tjerë të marrë nga Veliaj në shkelje të ligjit. Kujtojmë si shembull tenderin e para një viti kur kompania L.T.E Construction sh.p.k. mori 26 milionë lekë për instalime në burimin e ujësjellësit Tiranë. Përveç faktit se Veliaj i dha kësaj kompanie milionë lekë për 3 muaj punë për instalime, nga dokumentet evidentohet se tenderi është dhënë pa garë. Kjo tregon se nuk është hera e parë që Veliaj po jep tender që kushton miliona euro për kompanitë e oligarkëve të tij.
Discussion about this post