Një person ka kanosur me armë zjarri fqinjin e tij në fshatin Karbunarë, Selenicë. Ndërkohë, ka qenë ndërhyrja e policisë ajo që ka parandaluar përshkallëzimin e mëtejshëm të konfliktit. Menjëherë pas ngjarjes, polici ka shpallur në kërkim 58-vjeçarin Fuat Kapaj, i cili kërcënoi fqinjin e tij.
“Nga verifikimet rezultoi se shtetasi F. K., 58 vjeç, ishte konfliktuar për motive të dobëta, me shtetasin N. Xh., 68 vjeç, banues në Karbunarë, dhe e kishte kanosur atë me armë. 58-vjeçari, sapo ka evidentuar mbërritjen e shërbimeve të Policisë në vendngjarje, ka hedhur armën e zjarrit dhe është larguar me automjetin e tij tip Benz”, njofton policia.
Discussion about this post