Blinken ftesë Gërvallës, Kosova merr pjesë për herë të parë në “Summit of the Americas”

Me ftesë të sekretarit të Shtetit, Antony Blinken, zëvendëskryeministrja, njëherësh ministrja e Jashtme dhe Diasporës, Donika Gërvalla do të merr pjesë në “Summit of the Americas”, i cili do të mbahet në Los Anxhelos të SHBA-së nga data 8 deri më 10 qershor. Kjo është hera e parë që Republika e Kosovës përfaqësohet në ketë samit.

Në margjinat e këtij samiti, ministrja Gërvalla do të zhvillojë takime bilaterale me zyrtarë të lartë shtetërorë, si dhe do të vazhdojë lobimin për të forcuar subjektivitetin ndërkombëtar të Republikës së Kosovës.