Prej dy ditësh tashmë ka qarkulluar një video në rrjetet sociale ku heroi Luan Kapaj i cili shpëtoi jetë në tërmetin e 26 Nëntorit dukej se i vinte flakën një hapësire toke në ishullin e Sazanit. Në videon në fjalë Luan Kapaj komentohej si piroman, si personi që i vendosi flakën Ishullit, sot reagon për media Eduard Demo shefi i sektorit të ndërhyrjes dhe shpëtimit nga zjarri në zjarrfiksen e bashkisë së Vlorës.
Ai e cilëson videon të qëllimshme teksa e komenton atë si një turp të madh dhe baltë që hidhet mbi institucionin në fjalë. Sipas Demos ka taktika në mjedise të hapura kur zjarri shkon në 25 metra lartësi ku i vendoset flaka një hapësire tij për të bërë të mundur parandalimin e zjarrit.
Sipas Demos janë taktika të njohura botërisht të cilat përdoren në shumë situata. Demo sqaron dhe situatën e ditës së sotme në ishullin e sazanit.
Kush është Luan Kapaj
Luan Kapaj është shefi i zjarrfikësve të Vlorës, i cili me ekipin e tij ishte i angazhuar gjatë ditëve të krizës së tërmetit të 26 nëntorit në Durrës.
Ekipi i tij shpëtoi disa jetë njerëzish, ku vlen të theksohet ndërhyrja tek një pallat gjashtë katësh në Durrës, të cilit i ishin rrafshuar dy katet e poshtme. Zjarrfikësit u futën nën rrënoja edhe pse sipër kishte një mal betoni që i rrezikonte jetën. Nëse godina do të binte, vdekja ishte e sigurt, por ata nuk e morën parasysh.
Në këtë ndërhyrje ata kanë shpëtuar dy persona të ngecur nën rrënoja. Kapaj u bë i njohur për shqiptarët teksa refuzoi të qëndronte i shtrirë në ambulancë edhe pse mjekët i thanë se duhej të qetësohej.
Rama i dha atij Medaljen e Artë, për kontributin e dhënë në shpëtimin nga rrënojat të të mbijetuarve nga tërmeti tragjik i 26 nëntorit 2019.
Discussion about this post