Nga Ohri, ku merr pjesë në samitin e radhës së nismës Ballkani i Hapur, kryeministri Edi Rama ka komentuar deklaratat e bëra nga ministri i Jashtëm i Rusisë Sergei Lavrov.
Në një konferencë për mediat, Rama tha se Ballkani është tërësisht i mbyllur për Lavrov, ndaj dhe ai nuk ka mundur dot të hyjë në rajon, duke iu referuar anulimit të vizitës të hënën në Serbi.
“Të peshkohesh kaq kollaj nga sarkazma e një personazhi të mirënjohur botërisht për gjuhën e tij sarkastike e pastaj nga manipulimi i kësaj sarkazme nga ata që i fryjnë zjarrit të ndasisë dhe urrejtjes për interesa të politikës së ditës në katundet ballkanike, është për të ardhur keq. Nëse zotëria do të ishte promovuesi apo mbështetësi i Ballkanit të hapur, Ballkani do ishte i hapur minimalisht për të. Ballkani për të është i mbyllur tërësisht, ndaj s’ka marrë dot leje për të hyrë në Ballkan nga vendet e Ballkanit që të jemi të qartë”, tha Rama.
Discussion about this post