Riaktivizohen vatra të tjera zjarri në ishullin e Sazanit, shkak era e fortë

Era në ishullin e Sazanit  ka riaktivizuar disa vatra të vogla zjarri që  po mbahen në  monitorim nga forcat zjarrfikëse.

Lidhur me situatën bëhet me dije se kanë marrë flakë trungjet që kanë pasur nxehtësi, të cilët aktualisht  po mbahen në monitorim.

Problem në zonë mbetet era qe fryn. Për momentin situata është nën monitorim.

Kujtojmë që për pesë ditë rresht ishulli i Sazanit është përfshirë nga flakët, ku sipërfaqja që është djegur është shumë e madhe.