Stuhia përmbyt Beratin, rrugët mbulohen me baltë

Qyteti i Beratit është përmbytur ditën e sotme. Si pasojë e stuhisë janë përmbytur rrugët e qytetit, pedonalia dhe lulishtet.

Pas tërheqjes së ujit, në rrugë kanë ngelur pirgje dheu, dhe materiale të tjera të grumbulluara nga prurjet e shiut, përfshirë edhe ato inerte.

Mësohet se punonjësit e bashkisë ndodhen në terren dhe kanë nisur menjëherë punën për pastrimin e rrugëve.

Duket se ka qenë bllokimi i pusetave të qytetit ai që ka shkaktuar edhe përmbytjen e të gjitha rrugëve në qytetin e Beratit.