Seanca e sotme parlamentare ka nisur me debate për Komisionin e Investimeve Strategjike të propozuar nga Enkelejd Alibeaj por që u hodh poshtë nga Kuvendi, ndërsa kryetari i Grupit Parlamentar të PS, Taulant Balla tha se opozita minimalisht ka falsifikuar dokumente.
Balla sqaroi gjithashtu se nuk mund të shtohen firma apo të bëhen shënime në dokumente që i ka skaduar afati duke hedhur akuza të rënda ndaj Alibeajt.
“Nuk ka ndodhur në 30 vite që të marrësh firmat nga një dokument tjetër dhe më të njëjtat firma të vish të sjellës një dokument të ri. Është hera e parë që ndodh, një përpjekje për falsifikim. Duhet të kuptosh zotëri, firma hidhet vetëm njëherë. Nuk mund ta marrësh firmën e një firmëtari dhe ta transferosh në një dokument tjetër. Ajo që është e evidentuar në diskutimin e Konferencës së Kryetareve është se 35 firma të administruara për një dokumentet të datës 24 maj i ishin shtuar edhe dy firma të reja dhe duke bërë shënime që deputeti X është tërhequr. Si mund të ketë besim qytetari që ti do hetosh zbatimin e ligjit, kur ti shkel ligjin bazë. Si mund t’ju besojnë ju qytetarët kur ju e nisin me shkelje ligji. Është detyra primare e kryetarit të Kuvendit që të shikojë nëse dokumenti plotëson kushtet optmale. Kur ndryshon numri i protokollit të një dokumenti ka ndryshuar dokumenti. Është ngritur Luli nga gjumi dhe ka ardhur për të plotësuar numrin. Ligji dhe rregullorja thotë se kur Konferenca e Kryetarëve thotë se kur kërkesa i plotëson kriteret atëherë debatohet. Ai dokument nuk ekziston. Minimalisht është i falsifikuar. Sepse firma është hedhur për një dokument që ka skaduar. Prandaj nuk keni pse bëni debat pasi është një debat i humbur”, tha Balla.
Discussion about this post