Dje u takua me Peleshin, sot ministri grek rezulton pozitiv me Covid

Ministri i Mbrojtjes së Greqisë, Nikos Panagiotopoulos ka rezultuar pozitiv me koronavirus, një ditë pas takimit që zhvilloi me homologun shqiptar, Niko Peleshi.

Mediat në shtetin helen shkruajnë se Panagiotopoulos u diagnostikua sot pozitiv me koronavirus, pasi iu nënshtrua një kontrolli mjekësor. Një ditë më parë Ministria e Mbrojtjes njoftoi se Peleshi po zhvillon një vizitë dy ditore në Greqi me ftesë të homologut të tij, Nikolaos Panagiotopoulos.

Gjatë takimit të djeshëm dy zyrtarët diskutuan mbi sfidat aktuale të sigurisë, me fokus të veçantë mbi situatën në Ukrainë, pasojat e mundshme mbi sigurinë në rajon, procesin e integrimit euro-atlantik dhe angazhimet e përbashkëta në kuadër të NATO-s dhe rajonale.