Vajza e tyre u zhduk një vit më parë në Greqi dhe familja e Artemisës ka marrë së fundmi një mesazh. “Artemis është gjallë”! Ky është mesazhi që ka gëzuar shumë familjarët e 19-vjeçares, nga e cila ende nuk ka asnjë gjurmë se ku mund të ndodhet. Avokatit të familjes i është dërguar një letër anonime nga një person që shkruan se vajza është gjallë dhe se mbahet nga dy vrasës kundër dëshirës së saj, që e zhvendosin herë pas here duke zhdukur gjurmët.
“Kushtojini vëmendje këtij informacioni, është serioz. Artemis Vasilis është gjallë. Ajo po mbahet kundër dëshirës së saj nga dy burra. Herë pas here ajo transferohet në një lokacion tjetër dhe një lëvizje e tillë ishte bërë pak ditë më parë për faktin se çështja ishte rihapur dhe shfaqur në kanale”, shkruhet në letër.
Ditën kur ajo u zhduk, ajo u pa duke pritur në stacionin e dytë të Atikës në Koropi. Por, që nga ai moment familjarët nuk din më asgjë për vajzën e tyre.
Discussion about this post