U vra me thikë dhe u la në serën ku punonte, ky është roja Petraq Gjika (FOTO)

Personi që shihni në foto është Petraq Gjika, 67- vjeçari që u gjet i pajetë në serën ku punonte si roje.

Ngjarja ka ndodhur mëngjesin e sotëm, ku banorë të zonës panë trupin e pajetë të rojës. Mësohet se ai ishte vëllai i kryeplakut të këtij fshati.

Policia ka shoqëruar të dyshuarit e parë për vrasjen e rojës së serave në Fier. Mësohet se mes të shoqëruarve është edhe një çoban. Hetimet vijojnë ndërsa policia po ushtron kontrolle në kodrën përkarshi serave dhe kabinës ku u gjet i pajetë roja.

Dëshmia e të shoqëruarve pritet të japë dritë për zbardhjen e së vërtetës. Pistat e hetimit janë disa, nga konfliktet e momentit e ato banale, deri tek konfliktet e mëparëshme që mund të ketë pasur viktima me persona të tjerë.

Do jetë e vështirë për policinë zbulimi i autorit të vrasjes së rojes, pasi kamerat kanë fushëpamje vetëm nga serat dhe jo nga kabina ku rrinte roja.