Atentati me tritol/ Nga vjedhja te plagosja me thikë, e shkuara e errët e Sadikajt

Janë zbardhur detaje të reja lidhur me atentatin që tronditi mesditën e sotme Tiranën, ku mbeti i vrarë  27-vjeçari Aleksandër Sadikaj. Sipas burimeve, të dhënat e zbuluara të çojnë në pistën se atentati ndaj Sadikajt u bë për hakmarrje. Ai ka person me precedent të theksuar kriminal, në fushën e vjedhjes, krimeve ndaj personit dhe narkotikëve, çka ngre një tjetër pistë se mund të ketë qenë larje hesapesh për prishje e pazarit të drogës.

Aleksandër Sadikaj, 27 vjeç, lindur në Berat, banues së fundi në Tiranë, ka përfunduar disa herë në komisariat për veprat penale të sipërpërmendura. Pa e ditur si, ai i ka shpëtuar shumë herë burgut dhe madje nuk ishte as në kërkim, por lëvizte i lirë.  Ndërkaq, më poshtë janë renditur të gjitha veprat penale të Sadikajt

٠Më 09.04.2011 është arrestuar në Berat, pasi, së bashku me një person tjetër kanë tentuar të vjedhin në subjektin AlbTelecom-Berat;

٠Më 30.04.2011 është shpallur në kërkim nga Komisariati i Policisë Vlorë, pasi Gjykata e Vlorës i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim;

٠Më 31.05.2017 është shpallur në kërkim nga Komisariati i Policisë Nr.2 Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Kundërshtimi i punonjësit të rendit publik”. Më 23.08.2018, Gjykata e Tiranës e ka dënuar me 8 muaj burgim, për këtë vepër;

٠Më 29.05.2017 është shpallur në kërkim nga Komisariati i Policisë Nr.2 Tiranë për veprat penale “Goditje për shkak të detyrës”, “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të rendit publik”;

٠Më 09.07.2019 është shpallur në kërkim nga Komisariati i Policisë Sarandë, pasi në bashkëpunim me një shtetas tjetër, gjatë një konflikti për motive të dobëta, kanë plagosur me thikë shtetasin A. D., duke i shkaktuar dëmtime serioze në trup. Më datë 30.07.2019, për këtë ngjarje, Gjykata e Sarandës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.

٠Gjithashtu, për këtë shtetas, disponohen informacione në rrugë operative se kryente veprimtari kriminale edhe në fushën e narkotikëve.