Tre shqiptarë kanë rënë në prangat e policisë italiane pasi akuzohen për trafik droge. Mësohet se dy nga shqiptarët, me banim në Santa Croce, akuzohen se kanë sjellë 8 kilogram kokainë, amfetaminë dhe marijuanë në ishull. Të arrestuarit janë Amarildo Meta, 34 vjeç dhe Armand Mansaku, 40 vjeç.
Sipas hetuesve ata furnizonin me drogë tregun e Cagliarit dhe droga e sekuestruar arrinte vlerën e mbi 1 milion eurove. I arrestuari i tretë është 42-vjeçari Dimitri Tarantini, gjithashtu me origjinë shqiptare, i cili jeton prej vitesh në Cagliari.
Meta dhe Mansaku u larguan nga Santa Croce sull’Arno për të mbërritur në Cagliari në shtëpinë e Tarantinit. Ata ishin korrierët që çonin drogën në Cagliari dhe më pas e shisnin në zonë gjatë natës.
Gjatë kontrollit në banesë, policia gjeti një çantë shpine me drogë në dollap. Në shtëpi kishte edhe celularë, bileta avioni, shënime me emra dhe materiale të tjera të përcaktuara si interesante për zhvillimin e hetimeve.
Discussion about this post