Ndërtimi i HEC-it të Skavicës/ Dibranët e New York-ut thirrje Ramës: Mos na provoko

Dibranët në Nju Jork kanë protestuar ditën e sotme kundër ndërtimit të HEC-it të Skavicës. Ata shprehen se Drini dhe Dibra duhet të mbrohen ndërsa i drejtohen Ramës duke i thënë ‘të mos i provokojë’.

“Ruaje Drinin, ruaje Dibrën”, shkruhet në pankartat e tyre. Ndërsa disa të tjerë mbajnë në duar pankarta që shkruajnë ‘Hiqja pritën Dibrës se do të dalë punë.’

Kujtojmë që protestat nga banorët e Dibrës në Shqipëri kanë qenë të vazhdueshme. Shoqata për mbrojtjen e Luginës së Drinit të Zi ka protestuar vazhdimisht kundër ndërtimit të Hidrocentralit të Skavicës.

“Është një krim që i bëhet Dibrës.” “Të shpërngulësh 33 fshatra do të thotë një katastrofë.” “Të mos ndërtohet Skavica fare”, kanë thënë aso kohe qytetarët.