Shënohet një tjetër incident në kryeqytet. Policia e Tiranës ka arrestuar 24-vjeçarin, Romario Çibuku i cili para dy ditësh pas një sherri në zonën e Astirit, ka goditur me thikë 30-vjeçarin, Luis Luka.
Ngjarja mësohet se ka ndodhur për motive të dobëta, ndërsa 30-vjeçari ndodhet në spital në kujdesin e mjekëve.
Nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i shtetasit R. Ç., 24 vjeç, pasi me datë 13.06.2021, ka goditur me një mjet prerës shtetasin L. K., 30 vjeç, i cili ndodhet në spital, nën kujdesin e mjekëve.
