Nënkryetarja e Partisë Demokratike, Jorida Tabaku është rikthyer sot të flasë për çështjen e patronazhistëve, duke deklaruar se mbetet një nga krimet më të mëdha në vend.
Sipas Tabakut, Partia Socialiste e cila ka të gjithë përgjegjësinë nuk është vënë para drejtësisë për përdorimin e të dhënave personale për qëllime elektorale duke qënë shkelje e qartë e të drejtave të njeriut dhe frymës së kushtetutës.
Deputetja e PD-së thotë se PS nuk është vendosur përpara drejtësisë por nga ana tjetër padrejtësisht sulmohet media që vuri në pah skandalin, lajm i cili u publikua nga Lapsi.al.
“Një metodë antiligjore dhe antikushtetuese ka njollosur proçesin demokratik të zgjedhjeve, ka promovuar pandëshkueshmërinë edhe jo vetëm! Tanimë procesi integrimit komplikohet sepse akuzat e deridjeshme janë fakte!
Databaza e pagave dhe ajo e targave ishin qershia mbi tortë e të dhënave personale që keqpërdoren sistematikisht nga PS dhe që përbëjnë një nga shkeljet më të mëdha të demokracisë dhe privacisë që për këdo është e shenjtë!”, e mbyll shkrimin në facebook znj. Tabaku.
Discussion about this post