Kjo e hënë është një datë shumë e rëndësishme në të ardhmen e futbollit botëror. Sepse Sot është thirrur Asambleja e Përgjithshme e Bordit Ndërkombëtar, e shtyrë për në fillim të marsit të kaluar.
Asambleja e Përgjithshme do të miratojë 5 ndryshimet në rregulloren e futbollit bootëror. Meqenëse FIFA organizon takimin në një vit të Kupës së Botës, delegacionet do të takohen në Doha, duke përfituar nga ndeshjet ndërkontinentale të ‘play-off’-it për Botërorin e ardhshëm në Katar. Është hera e katërt që Asambleja mbahet jashtë Evropës dhe hera e parë në Lindjen e Mesme.
Të vetëdijshëm për rëndësinë e ndryshimeve në rregullat e lojës, që ato të hynë në fuqi deri më 30 qershor përpara se të nisë edicioni 2022/23, anëtarët e IFAB-s e kanë konfirmuar me shkrim mbështetjen e tyre për ta gjithë ndryshimet e propozuara që u njoftuan në fund të marsit dhe do të ratifikohen më 13 qershor.
Kështu, në axhendën e takimit, pika e dytë e ditës do të jetë analiza, veçanërisht e numrit 3 që ka të bëjë me pesë zëvendësimet. Një normë që u vendos si diçka kalimtare nga FIFA, por që tani do të bëhet përfundimtare. Një tjetër çështje kryesore do të jetë edhe pozicioni jashtë loje, si nga këndvështrimi i asistentëve video, ashtu edhe nga konfigurimet më të aksesueshme. Si dhe nga teknologjia gjysmë automatike jashtë loje.
Pritet, që të gjitha pesë ndryshimet në rregulloren e futbollit, pas miratimit të sotën, të hynë në fuqi më 30 qershor.
Discussion about this post