E ftuar në “Open”, gazetarja Klodiana Lala deklaroi se do të ketë zyrtarë të shpallur “non grata” dhe nga Mbretëria e Bashkuar. Lala tha se emrat nuk do të bëhen publikë, ndryshe nga politika e Shteteve të Bashkuara të Amerikës, por që do u ndalohet të shkëlin në Mbretërinë e Bashkuar. Ajo tha se ky është një plan i Mbretërisë së Bashkuar për të goditur krimin e organizuar.
“Ish-ambasadori britanik Duncan Norman, i cili është kthyer në Shqipëri me një projekt të qeverisë britanike në luftën kundër krimit të organizuar dhe korrupsionit la të nënkuptohej në një intervistë që do kishte non-grata, por nuk do të shpalleshin publikisht siç kanë bërë SHBA-të, por do t’iu komunikohet personave. Që do të thotë shumë shpejt ne do të mësojmë që zyrtarë të lartë të qeverisë apo të opozitës mund të mos shkelin më në tokën e Mbretërisë së Bashkuar për shkak të këtyre masave. Problemi është i tillë, krushqia mes krimit dhe politikës lidhet për një arsye, për zgjedhjet”- tha Lala ndër të tjera.
Discussion about this post