Deputetja e PD-së, Jorida Tabaku ka komentuar situatën në vend pas rritjes së çmimeve. Në një postim në Facebook, Tabaku thekson se pavarërisht rritjes së çmimeve të produkteve të shportës, rrogat mbeten shumë të ulëta. Deputetja shton se të gjithë ata që bëjnë pazarin vetë e ndjejnë tashmë rritjen e çmimit të ushqimeve.
“Kush e bën pazarin vetë e ka të qartë se sa janë rritur çmimet! I blejmë perimet më shtrenjtë sepse nafta është 260 lek/litër. Çmimi energjisë ka shkuar në 18 lek/këh kurse subvencionet dhe paketa ndihmëse më e ulëta në rajon! Me rroga qesharake, varfërinë e lartë dhe një inflacion të frikshëm qeveria ofron lugën e propagandës!”, shkruan Tabaku.
Discussion about this post