Eneo Bitri nuk do të jetë pjesë e Partizanit sezonin e ardhshëm. Mbrojtësi qendror ka njoftuar se nuk ka rinovuar kontratën me “Demat” dhe tashmë del si lojtar i lirë.
Beratasi falënderon drejtuesit dhe tifozët për tre vitet e kaluara te Partizani, skuadër me të cilën Bitri fitoi edhe titullin kampion.
Bitri me shumë mundësi do ta vijojë karrierën jashtë vendit. Në Bullgari dhe Kazakistan e duan mbrojtësin, që shpejt pritet të konfirmojë ku do të luajë sezonin e ardhshëm.
