Olsa Muhameti, autorja e programit të dashurisë “Përputhen”, ka qenë e ftuar mbrëmjen e djeshme në “Goca dhe Gra”, ku foli për projektin e saj të ri, emisionin “Kepi i Tundimit”, për miqësitë, bashkëpunimet dhe për pëlqimet.
Teksa moderatorja e pyet se në vilën e meshkujve, do e tundonte më shumë një bisedë me Arjan Konomin apo Olti Currin, Olsa nuk ka nguruar që ta thumbojë këtë të fundit.
“Padyshim që do më joshte dhe do të më pëlqente një bisedë me Arjan Konomin, sepse është njeri që punon, nuk e di nëse ky personi (Olti Curri) punon apo jo. Mendoj që sa kohë që një njeri punon ka të drejtë të gjykojë dhe të përgojojë”, ka thënë Olsa.
Sigurisht që “ikona e thumbimeve” nuk do rrinte pa një kundërpërgjigje dhe ka reaguar në rrjetet e tij sociale me fjalë tepër ironike dhe therëse.
“Yes, foli dhe Olsa! Sa e lezetshme që është! Olsa është Linda Morina e autorëve televiziv shqiptar. E keni parasysh tek Çani që fton Aurela Gaçen, Inva Mulën dhe i prezanton si këngëtarë pastaj fton edhe Linda Morinën e thotë këngëtarja Linda Morina. Kështu ndodh edhe me Olsën që e prezantojnë si autore ndërkohë që kanë prezantuar Rezart Agën, Ledion Liçon,Zefina Hasanin, Dalina Buzin kupton dhe ajo e beson normalisht. Oh sa e lezetshme e modhe fare! Vetëm se ka ngatërruar diçka! Të punosh nuk do të thotë të punosh vetëm poshtë tavolinës të drejtorave të televizioneve të ndryshëm. Ka dhe punë të tjera që janë dinjitoze, pa zhurmë dhe me shumë të ardhura!”- ka thënë Olti.
Discussion about this post