Baza e armëve në Mëzez/ Zbulohet vendi nga erdhi pajisja që përdorej për prodhimin e tyre

Janë zbardhur detaje të reja për bazën e arsenalit të armëve që u zbulua në Kodër Mëzez.

Dyshohet se pajisja që përdorej për modifikimin dhe prodhimin e armëve të zjarrit kishte ardhur në rrugë ilegale nga jashtë vendit, dyshimet e para janë që pajisja mund të ketë hyrë nga Kosova, por ende nuk është vërtetuar nga grupi hetimor dhe hetimet vijojnë.

Policia ka informacione se ka edhe persona të tjerë të përfshirë në këtë grup kriminal. Këto persona janë në hetim nga policia.

Gijotina.com raporton se Policia e Tiranës ka arritur të zbulojë bazën të vendosur në një vilë tre katëshe në Kodër Mezez pas mbajtjes në përgjim të një prej të arrestuarve.

Në bazën ushtarake përfshiheshin pistoleta, kallashnikovë, municione luftarake, silenciatorë në ambientet e një vile tre katëshe e cila ndodhet në periferi të kryeqytetit në zonën e Kodër Mëzezit. Vetëm kati i parë i vilës është i banueshëm.

Policia arriti në gjurmët e autorëve pas hetimeve disa mujore dhe ka zbuluar që kjo vilë përdorej për aktivitet kriminal.