Një 41-vjeçar ka rënë në prangat e policisë së Mirditës. Mësohet se Leonardo Nikolli, 41 vjeç ishte dënuar nga Gjykata e Lezhës me masën “arrest me burg” për veprën penale “Plagosje e rëndë me dashje”. Bëhet fjalë për ngjarjen e ndodhur më 14 shkurt të këtij vitit. Ka qenë vetë Nikolli ai që ka bërë një kallëzim për një konflikt pronësie me të identifikuarin si Pavlin Gjoka, djali i këtij të fundit, Marin Gjoka ka tentuar që të qëllojë me armë zjarri të afërmin e tij.
Por, hetimet kanë zbuluar se Nikolli ka qenë personi që ka dhunuar Marin Gjokën duke i shkaktuar dëmtime fizike. Marin Gjoka, 25 vjeç është vënë në pranga gjithashtu për kanosjen me armë, si dhe është shpallur në kërkim babai i tij, shtetasi Pavlin Gjoka.
Discussion about this post