Zbardhen detaje nga goditja e klanit kriminal del Golfo, mes të arrestuarve janë 5 shqiptarë. Janë sekuestruar 4.3 ton kokainë e 2 milionë euro para të gatshme, përfshirë mjete transporti si kamion dhe fuoristradë. Kjo ishte kapja më e madhe e kokainës e kryer ndonjëherë në Itali. Mediat italiane kanë bërë së fundmi të ditura të tjera detaj dhe kanë zbuluar emrat e të arrestuarve. Më 7 qershor u lëshuan 38 urdhër arreste, mes tyre janë edhe 2 shqiptarë, Enri dhe Ervin Hardolli, që rezultojnë të jenë vëllezër, djemtë e ish-kryetarit të komunës Rrethina në Shkodër Gëzim Hardolli, i zgjedhur si përfaqësues i Partisë Demokratike.
Të arrestuarit
Renato Ulja, janë penduar dhe po flasin me prokurorët. Sollën kokainën e Arbër Çekajt në 2018. Dy djemtë e Rrethinës, Henri dhe Ervin Hardolli, djemtë e Gëzim Hardollit. 24 emrat e parë të hetimit janë: Castano Catano Ramon Abel, Lazzarato Adriano (Venecia), Ugo Mascioli (Bari), Sava Gheoerghiev Savov, Bozhidar Bozilov (Bullgari), Ujla Renato (Shqipëri), Cirjau Constantin (Moldavia), Enri dhe Ervin Hardolli (Shqipëri), Luca Bellio, Antonio Prudente, Angel Maria Quiroz Martinez, Altin Lleshaj, Denis Kacaj, Moreno Demaj, Giuseppe Giorgi, Francesco Megna, Ernesto Rizzo, Sasa Radivoje Vuckovic (Serbi), Erguen Isik, Krasovecët dhe Matjaz Razek dhe Dorde Kotlaja (Mali i Zi).
Hetimet
Hetimi filloi më shumë se një vit më parë me bashkëpunimin e drejtësisë italiane, policisë kolumbiane, së bashku me agjencinë amerikane të Hetimeve të Sigurisë Kombëtare. Për 4300 kilogramët kokainë të sekuestruara janë paguar për 96 milionë euro nga grupet kriminale dhe janë rishitur në tregun italian për të paktën 240 milionë euro. Mega-operacioni i ka dhënë një goditje organizatës së fuqishme kriminale të “Klanit del Golfo” , më i rëndësishmi në mesin e narkotikëve kolumbianë. Sekuestrimi i drogës u realizua në një vit hetime, nga 19 dërgesa kokaine të kontrolluara që nga maji i vitit 2021 deri në majin e vitit 2022. Clan del Golfo është i lidhur edhe me Shqipërinë pasi është kapur duke shpërndarë kokainë për trafikantët shqiptarë. Një nga rastet që u zbulua lidhja me shqiptarët ishte kur u kap kontejneri me banane i Arbër Çekajt, ku ishin të fshehur 613 kg kokainë. Kjo sasi kokaine, e vlerësuar në tregun kolumbian 37 milionë dollarë, ndërsa në atë evropian 180 milionë dollarë, i përkiste grupit të armatosur “Clan del Golfo” që furnizoi trafikantin shqiptar.
Discussion about this post