Nuredin Dumani, bashkëpunëtori i drejtësisë ka rrëfyer se kishte marrë urdhër për të ekzekutuar një pronar mediash në Shqipëri. Një artikull i publikuar një ditë më parë nga Prapaskena bën me dije se në dosjen që Prokuroria e Posaçme kundër Korrupsionit dhe Krimit të Organizar (SPAK) po ndalon gazetarët që ta publikojnë, shkruhet dhe për planin e ekzekutimit të një pronari mediash. Urdhri sipas artikullit në fjalë është dhënë nga grupe kriminale dhe një segment politik në Tiranë. Por emrat e tyre nuk janë zbardhur ende. Plani për ekzekutimin e personit në fjalë nuk është finalizuar, pasi ai ka rezultuar një “pre e vështirë”, ruhej shumë dhe grupi kriminal që kishte marrë në ngarkim detyrën, nuk e ka çuar dot deri në fund. Në artikull thuhet gjithashtu se pas rrëfimit të këtij plani është hetuar një grup në Tiranë, por nuk është arritur prangosja e asnjë personi.
“Po qarkullon dorë më dorë një dosje e dytë penale me rrëfime tronditëse të bashkëpunëtorit të drejtësisë, Nuredin Dumani, përmbaruesi më i madh i krimit në Shqipëri i njohur deri më sot. Dumani mësohet se ka rrëfyer mbi një plan për ekzekutimin e një pronari të fuqishëm mediash, krim i cili nëse do të kryhej do të trondiste kryeqytetin. Për këtë krim janë investuar disa grupe kriminale dhe një segment politik në Tiranë. Plani nuk është finalizuar për shkak se bosi i mediave ruhej rreptësisht, duke mos lënë pothuajse asnjë hapsirë për t’a goditur,”- shkruhet ndër të tjera në artikull.
Nuredin Dumani dhe Henrik Hoxhaj kanë zbërthyer ngjarje kriminale që nga viti 2011 deri në 2022-shin. Për këtë operacion të SPAK, u lëshuan 32 urdhër arreste, nga të cilat 18 u ekzekutuan nga policia (prej të cilave 9 masa iu komunikuan persona të arrestuar për vepra të tjera penale), ndërsa 14 janë ende në kërkim, e derimë tani asnjë nuk është kapur. Dumani ka folur edhe për ngjarje e vrasje të bëra jashtë territorit të Shqipërisë, ne Belgjikë, Holandë dhe në Itali. Krimet më të shumta Nuredin Dumani ka rrëfyer se i ka bërë me Talo Çelën, por edhe me Hoxhajn, i cili u arrestua në të njëjtën natë më të. Ndërsa sot, SPAK ka lëshuar një urdhër përmes të cilit ndalon gazetarët që të publikojnë rrëfimet e Dumanit. Në të kundërt, gazetarët rrezikojnë deri në 5 vite burg.
14 PERSONAT NË KËRKIM:
1.Eljo (Ervis) Bitri,
2.Festim Qoli,
3.Alban Bengasi,
4.Ervis Martinaj,
5.Elvin Merlika
6.Alket Xhixha
- Marjus (Suel) Lulaj (Çela),
8.Agron (Kamber) Mehja,
- Aleks Çela alias (Tom Qorri),
- Talo Çela,
- Agim Gjini,
12.Mikael Qosja (Kamami) (Stefo),
- Florenc Çapia
- Abedin Mama (Dine Çami)
Discussion about this post