Vdekja e djalit 2-vjeçar në qytetin Bigastro të Alicante në Spanjë ka tronditur mbarë vendin. Në fillim çështja u trajtua si një aksident në familje, por duke parë se lëndimet nuk përputheshin me versionin e nënës, policia e konsideroi si “vdekje të dhunshme”.
Nëna e fëmijës e identifikuar si Hatixhe Kamxhiu tani ndodhet në burg e akuzuar për vrasjen e njërit prej fëmijëve të saj dhe për plagosjen e binjakut tjetër.
“Në fillim u tha se ai kishte rënë nga një karrige e lartë”, shpjegon për mediat vendase një grua e këtij qyteti.
Në fillim fqinjët e kanë empatizuar shumë nënën, 32-vjeçare shqiptare pasi menduan se fëmija e saj kishte pësuar një aksident fatal.
“Ne iu bashkuam asaj sepse të tillë jemi këtu”, –thotë një tjetër nga fqinjët.
Hatixhja nuk kishte precedentë penalë, por më parë kishte humbur kujdestarinë e të miturve për shkak të varësisë nga droga. Të njohurit e saj thonë se ajo ishte një grua të vetmuar dhe me pak miq.
“Ajo ishte gjithmonë shumë nervoze. Qortonte fëmijët e saj për gjithçka” – thotë një fqinj.
“Ajo u bërtiste gjithmonë”, thotë një tjetër që e kishte pyetur gruan një ditë se përse djali kishte shenja kafshimi në krahë, por ajo ishte justifikuar se fëmijët ishin grindur me njëri – tjetrin.
“Një ditë i thashë të mos i qortojë kështu fëmijët”, shpjegon një nga fqinjët.
Askush nga fqinjët nuk e di kush është babai pasi ajo ka ardhur e vetme të banojë në këtë qytet. Hatixhja ka edhe një vajzë 9-vjeçare, e cila sipas fqinjëve, mund të jetë në shtëpi me gjyshërit e saj nga babai.
Hatixhe Kamxhiu akuzohet për veprën penale të vrasjes së të miturit dhe plagosjen e vëllait binjak. Ajo vetë i ka mohuar akuzat.
Discussion about this post