Golden State Warriors janë kampionët e rinj të NBA, pasi i mbyllën llogaritë në ndeshjen e gjashtë me Boston Celtics, pasi triumfuan 103-90 dhe seria përfundoi 4-2.
Warriors e treguan forcën që në fillim, duke e mbyllur gjysmën e parë të ndeshjes me 15 pikë më shumë se Celtics, që reaguan në periodën e tretë, por nuk e bënë dot mrekullinë për ta çuar çështjen e titullin në ndeshjen e shtate.
Stephen Curry udhëhoqi kampionët e rinj me 34 pikë, 7 asiste dhe 7 topa të kapur në tabelë. Andrew Wiggins realizoi 18 pikë, kurse Klay Thompson dhe Draymond Green nga 12 pikë.
Për Boston Celtics Jaylen Brown e bëri pjesën e tij, duke shënuar 34 pikë, ndërkohë që një dorë ia dha edhe Al Horford me 19 pikë dhe 14 topa të kapur në tabelë. Gjithsesi ishte e pamjaftueshme kjo paraqitje përballë Warriors.
Discussion about this post