Vidhnin makina me çelës të klonuar, arrestohen 4 persona në Tiranë

Policia ka arrestuar 36-vjeçarin me inicialet K.S, pasi akuzohet për vjedhjen e disa makinave me anë të një çelësi të koduar. Sipas policisë, numri i arrestimeve të përfshirë në këtë operacion ka shkuar në 4 si dhe janë në kërkim dy të tjerë. Gjatë shoqërimit për në rajon 36-vjeçari ka kundërshtuar policinë së bashku me vëllain e tij 41-vjeçar, i cili më pas u la në gjendje të lirë

Mësohet se i arrestuari K. S., në bashkëpunim me 3 personat e tjerë dhe me një shtetas tjetër të shpallur në kërkim, me anë të çelësave të klonuar, kanë vjedhur automjete, në zona të ndryshme të Tiranës, të cilat i kanë shitur më pas në zonën e Fushë Krujës dhe Mamurrasit.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.