Gjashtë persona janë arrestuar nga Policia e Tiranës, për shkak se dyshohet se fusnin mallra kontrabandë nga Kosova. Në kuadër të operacionit policor të koduar “Free road” u arrestuan Edison Cani, Altin Metani, Dorjan Zguro, Zaljon Braho, Erand Lami, Shkëlqim Memeti.
Në cilësinë e provës materiale janë sekuestruar mallra të ndryshme të dyshuara të futura kontrabandë (veshje, medikamente mjekësore), autobusi dhe tre automjete.
Gjatë kontrollit të autobusit në bagazh, shërbimet e Policisë gjetën dhe sekuestruan, në cilësinë e provës materiale, mallra të tjera, pa pullë fiskale. Vijon puna për identifikimin dhe kapjen e personave të tjerë të implikuar në këtë veprimtari kriminale. Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Discussion about this post