Policia e Lezhës ka zbarkuar në një lokal gjatë një operacioni. Në ambientet e lokalit organizoheshin lojëra fati, ndërsa dy persona janë shpallur në kërkim nga policia në kuadër të operacionit. Ata nuk u gjetën në lokalin ku blutë mësynë për kontroll.
Në vijim të veprimeve hetimore, u shpallën në kërkim shtetasit R. D., 29 vjeç dhe A. N., 33 vjeç, banues në Lezhë, të cilët dyshohen se kanë përshtatur lokalin që posedonin, për organizimin e lotarive të palejuara.
“Në zbatim të Letër Porosisë së Drejtorit të Përgjithshëm të Policisë së Shtetit dhe në zbatim të Planit të Masave të miratuar nga Drejtoria Vendore e Policisë Lezhë, me objekt pune “Kontrollin e territorit, parandalimin, identifikimin, dokumentimin dhe goditjen e aktivitetit të paligjshëm të lojëra të fatit”, me qëllim evidentimin dhe goditjen e kësaj veprimtarie të paligjshme, që në disa raste ka sjellë edhe konflikte mes qytetarëve, shërbimet e Komisariatit të Policisë Lezhë kanë vijuar kontrollet në ambiente të ndryshme dhe si rezultat kanë finalizuar operacionin policor të koduar “Game over”.
Gjatë këtij operacioni, në qytet Lezhë, në lagjen “Besëlidhja”, është ushtruar kontroll në ambientet e një lokali që ishte përshtatur për organizimin e lojërave të fatit, me pajisje kompjuterike që furnizoheshin me lidhje të paligjshme të energjisë elektrike.
Në ambientet e këtij lokali janë gjetur dhe sekuestruar në cilësinë e proves materiale 8 kompjutera për lojëra fati të ndezur në gjëndje pune, 3 tavolina pokeri dhe çipsa”, thuhet në njoftimin e Policisë Lezhë.
Discussion about this post