Makina del nga rruga në Lushnje, 3 anëtarët e familjes përfundojnë në spital

Një aksident i rëndë është shënuar në aksin rrugor Lushnje-Fier, në fshatin Gorre, ku një familje është aksidentuar. Sipas bluve, ka qenë shtetësja L.P, 56 vjeçe e cila ka humbur drejtimin e automjetin tip “Peugeot” dhe ka dalë nga rruga. Për pasojë janë dëmtuar dhe pasagjerët, shtetasi S.P dhe djali i tyre 17 vjeç. Të aksidentuarit ndodhen në spitalin e Lushnjes jashtë rrezikut për jetën.

“Sot më datë 19.06.2022, në aksin rrugor Lushnjë-Fier, në fshatin Gorre, shtetasja L. P., 56 vjeçe, banuese në Tiranë, duke drejtuar automjetin tip “Peugeot” ka dalë nga rruga dhe për pasojë është dëmtuar vet drejtuesja dhe pasagjerët, shtetasi S. P dhe djali i tyre 17 vjeç, të cilët ndodhen në spitalin e Lushnjës jashtë rrezikut për jetën.”-njofton policia.