Kërcënoi policin, arrestohet 31-vjeçari në Durrës

Policia e Durrësit ka arrestuar ditën e sotme një 31-vjeçar, pasi bëhet me dije se ka kërcënuar një oficer të policisë.

Gjithashtu, lidhur me ngjarjen specialistët për Hetimin e Krimeve të Komisariatit të policisë Durrës bënë ndalimin e shtetasit në kërkim me iniciale Xh. M., 31 vjeç, banues në Durrës, pasi më datë 17.06.2022 ka kanosur për shkak të detyrës një oficer policie.

“Po nga këto struktura u bë ndalimi i shtetasit D. Sh., 33 vjeç, banues në Durrës, pasi Gjykata e Shkallës së Parë Durrës e ka dënuar këtë shtetas me 58 ditë burgim, për veprën penale” Shkelja e rregullave të qarkullimit rrugor”. Specialistët e Qarkullimit Rrugor arrestuan në flagrancë shtetasin L. D.,  28 vjeç, banues në Kavajë, pasi u kap nga shërbimet e Policisë, duke drejtuar automjetin, në gjendje të dehur. Gjithashtu, gjatë kontrollit të ushtruar në automjet, shërbimet e Policisë gjetën dhe sekuestruan një sasi të vogël lënde të dyshuar narkotike kanabis.”

Gjithashtu, së fundmi materialet i kaluan Prokurorisë, për veprime të mëtejshme për të zbardhur ngjarjen.