Përfshihet nga flakët një fabrikë në Maliq, tymi “pushton” qiellin

Një zjarr i madh ka përfshirë fabrikën e peletit në Maliq.

Sipas raportimeve të para, bëhet me dije se zjarri ka përfshirë një sipërfaqe të madhe në fabrikë, ku shihen dhe shtëllungat e tymit.

Ndërkohë, zjarrfikësit dhe policia kanë mbërritur në vendngjarje dhe po punojnë për shuarjen e flakëve. Nga të dhënat e para, raportohet se nuk ka dëme në njerëz.

Së fundmi mësohet se zjarri ka përfshirë çatinë e fabrikës, aty ku punojnë njerëzit, por deri më tani nuk ka rrezik, pasi fabrika ka shumë dalje.