Një kamerier shqiptar ka bërë një gjest të veçantë duke marrë dhe titullin hero nga mediat malteze, pasi i ka shpëtuar jetën një klienti në lokalin ku ai punonte.
TV Malta raportoi se kamarieri, Endri Demaj ishte duke punuar në zonën “Ghar Lapsi” në Pieta, kur u informua një kliente, Patricia Neto, po vdiste nga mbytja në ushqim.
Endri nxitoi ta ndihmonte të moshuarën dhe arriti ta shpëtonte nga vdekja. Gruaja më vonë tha se mendonte se do të vdiste pasi nuk mund të merrte frymë, por fatmirësisht ajo është shpëtuar nga kamerieri shqiptar.
Vajza e saj, Carole Khosla, ka falënderuar Endrin përmes një postimi në Facebook. “Ti shpëtove jetën e nënës sime dhe unë jam mirënjohëse”, tha ajo. Edhe në rrjetet sociale veprimi i Endrit u vlerësua nga shumë përdorues.
Discussion about this post