Si u zhduk gjelbërimi në Kopshtin Zoologjik të Tiranës? (Video)

Gazetari Erjon Skëndaj ka bërë publike pamjet sesi është tjetërsuar Kopshtit Zoologjik në Tiranë.

Ai ka bërë me dije se betonizimi në vetëm 20 vite ka zhdukur dhe po zhduk çdo cep gjelbërimi të trashëguar para 90-tës.

Madje shton se të gjitha pamjet satelitore dëshmojnë sesi thuajse është zhdukur ngjyra e blertë në një nga kopshtet e Tiranës.

“E frikshme sesi betonizimi në Tiranë vetëm në 20 vite ka zhdukur dhe po zhduk çdo grimcë gjelbërim të trashëguar nga para 90-tës. Shikoni videon e kompozuar me foto satelitore që dëshmojnë sesi thuajse është zhdukur ngjyra e blertë në zonën më të bukur, Kopshti Zoologjik i Tiranës dhe përreth tij” ka shkruajtur në Youtube gazetari krah videos.