Ministrja e Turizmit dhe Mjedisit, Mirela Kumbaro ka komentuar lajmet e publikuara në mediat greke për transferimin e burimit nëntokësor të ujit nga “Syri i Kaltër” drejt ishullit grek. Kumbaro tha se nuk ka asnjë marrëveshje me kryetarin e bashkisë së Korfuzit, në lidhje me shitjen e burimit nëntokësor të “Syrit të Kaltër”. Kumbaro u shpreh se uji i “Syrit të Kaltër” do të rrijë në statusin e parkut natyror dhe se këtë vit do të ndalohet plazhi për vizitorët.
Pjesë nga biseda në studio:
Ju garantoni se uji i Syrit të Kaltër nuk do të shkojë në Korfuz?
“Jo vetëm që do të rrijë aty ku është me status monument natyre, dhe për këtë kemi bërë një zgjerim të territori 293 hektarë duke i dhënë statusin park natyror. Syri i Kaltër shpesh herë ishte në rrezik nga dyndja e tejskajshme e vizitorëve. Këtë vit do të jetë i ndalur plazhi në monument dhe qasja me makina do të jetë në një distancë 1.4 km larg. Pra kemi krijuar edhe shtigje rrotull tij për ata që duan të bëjnë shëtitje me këmbë. Çdo pretendim tjetër është fals”, tha Kumbaro.
Mentor Kikia: Për çfarë po e përdorim Syrin e Kaltër. Uji i Syrit të Kaltër të rrjedh në këmbët e Sarandës dhe Saranda nuk ka ujë. Syri i Kaltër ka lindur para nesh dhe nuk e kemi përdorur për asgjë të dobishme.
Kumbaro: Është pjesë e bashkisë së Finiqit
Kikia: I kalon tek këmbët Sarandës dhe Saranda nuk ka ujë.
Kumbaro: Ministria e Turizmit ka bërë një deklaratë. Sa i përket deklaratës së kryetarit të bashkisë së Korfuzit, unë ju konfirmoj se nuk ka asnjë marrëveshje. Pra unë mund të them se çfarë bën Ministria e Mjedisit dhe Turizmit të Shqipërisë, sa i përket deklaratave të personave të tretë, duhet të pyesni ata.
Pyetje: Përse u rikthye në vëmendje një projekt si ky?
Kumbaro: Në media u raportua një informacion i pambështetur nga pala shqiptare. Unë detyrim kam për projektet që ndërton qeveria shqiptare.
Kumbaro: Problemi më i madh është se gjithë kjo pasuri që duan ta marrin ta çojnë në Korfuz , ne na kalon mes Ksamilit dhe Sarandës dhe këtu nuk ka ujë, kjo duhet të na bëjë të ulërasim ne!
Discussion about this post