Andrea Dingu (Shtëpenja), djali i fermerit Bektesh Shtëpenja të cilit SPAK kërkon t’i konfiskojë pasuritë ka folur për të shkuarën e tij të errët. Në një prononcim për Report TV, i riu pranon se është dënuar por kërkon nga familjarët që të mos ndikohen nga e shkuara e tij. Ai tha se është larguar rreth moshës 12-13 vjeçare nga Shqipëria.
“Kam qenë i dënuar, çfarë problemi kam bërë, e kam paguar. Tani nuk e kuptoj çfarë kanë familjarët e mi.
Nuk ka ndonjë lidhje me jetën time familjare çfarë kam bërë unë, kështu që çfarë kanë, e kanë ata. Kushdo që të shkojë, këdo që të pyesi do u thojë se e njeh të gjitha zona, ka qenë mekanik, brigadier i mjeteve bujqësore dhe nuk ka asnjë mashtrim në mes. Unë nuk e dija se isha jashtë dhe kur kam ardhur, ditën e 3 më erdhën në shtëpi. Mendoja se do vinin, por çfarë lidhje kanë me familjarët. Jetoj me prindërit,”- tha Andrea Shtëpenja, i cili ka ndërruar mbiemrin nga Shtëpenja në Dinga.
E ëma e Andreas, Ruzhdije Shtëpenja tha se çdo gjë e kanë përfituar nga puna me 3 autokambajna.
“Kërkon të dijë pse kemi blerë shtëpi. Kemi kaq vite që punojmë me 3 kambajna për misër dhe grurë. Fëmijët kanë qenë në Greqi e Itali. Ai nuk ka lekë për vete, jo për mua. Ndejti 5 vite në burg atje dhe erdhi. Kemi paguar për rrobat se erdhi lakuriq. Kërkoj drejtësi. Nëse i kam me lekë droge, t’i marrë,”- tha Ruzhdije Shtëpenja.
240 fermerë u thirrën të dëshmojnë në SPAK në lidhje me pasurinë e Bektash Shtëpenjës.
Discussion about this post