Një tjetër goditje anti-drogë është shënuar nga autoritetet italiane, ndërsa në pranga ka rënë një 26-vjeçar shqiptar. Mësohet se shqiptari, identiteti i të cilit ende nuk bëhet me dije është kapur me kokainë dhe euro cash. Gjithashtu, shqiptari u arrestua edhe për hyrje në mënyrë të paligjshme në Itali duke qenë se ai ishte dëbuar më parë nga vendi fqinj ndërsa është kthyer sërish duke përdorur pasaportë të falsifikuar.
Gjatë kontrollit shqiptarit iu gjetën 30 doza kokainë ndërsa iu nënshtrua verifikimit të gjurmëve të gishtave ku përmes të cilave u zbulua edhe identiteti i tij i vërtetë.
I riu shqiptar ishte dëbuar më parë nga Italia dhe ishte kthyer duke përdorur të dhëna të tjera personale duke lëvizur lirisht në rrugët e vendit fqinj. Shqiptari është dëbuar duke e hipur në avion me një fluturim direkt nga Bolonja për në Tiranë. Ndërsa i ndalohet që të hyjë sërish në Itali për pesë vitet e ardhshme.
Discussion about this post