Një bandë prej tetë personash janë lënë në burg nga gjykata greke. Midis personave të arrestuar ishin dhe shqiptarë 30-vjeçarë, të cilët së bashku me një 46-vjeçar grek akuzohen si bërthama e një grupi kriminal e ndërtimit të një skeme piramidale.
Banda shqiptaro-greke kanë zhvatur një sërë personash duke u marrë shuma të majme dhe më pas blinin makina luksoze si Porsche, Jaguar apo Epau.
“Çdo dëshmi është një histori e dhimbshme”, tha një oficer i policisë. Çdo rast ishte i ndryshëm, por në përgjithësi për një kredi prej 5000 euro, interesi mund të ishte deri në 2000 euro në muaj. Nëse kishte vonesa në pagesën e kamatës, kamata bëhej dyfish dhe trefish. Një shumë prej 5000 euro mund të shndërrohej në si formë për t’u shlyer deri 50.000 euro!
Sipas informacioneve të mediave greke, kishte edhe persona të cilët kishin probleme shëndetësore apo duhet të kryenin një operacion për veten ose fëmijët e tyre dhe kanë marrë hua me kamatë, duke “nënshkruar” dënimin e tyre.
Presioni ishte aq i madh sa disa kishin kaluar në procesin e shitjes së pronave të tyre për të shlyer kreditë.
46-vjeçari është një person i njohur në Heraklion, si nga çështje të ndryshme kriminale, ashtu edhe nga prania e tij gjatë jetës së natës dhe në palestra. Ndërsa dy shqiptarët nuk janë të njohur për drejtësinë greke.
Sipas policisë greke, në dosje ka dëshmi të rënda të viktimave që kanë besuar drejtuesit e Organizatës dhe kanë pranuar të flasin.
Discussion about this post