Aksidenti në Shkodër, policia jep detajet: Viktima është një grua

Policia e Shkodrës ka nxjerr njoftimin zyrtar për aksidentin e ndodhur mbrëmjen e sotme në aksin Shkodër-Koplik. Sipas policisë, rreth orës 21:20, në aksin rrugor Shkodër-Koplik, në zonë të fshatit Shtoj, konkretisht në afërsi të një kompleksi sportiv.

Si pasojë, 72-vjeçari me inicialet  G.B. banues në Shtoj, duke drejtuar automjetin e tij tip “Volkswagen”, ka aksidentuar një grua që lëvizte me biçikletë, ende e paidentifikuar, rreth 35-40 vjeçe, e cila ka ndërruar jetë.

Drejtuesi mjetit është shoqëruar në ambientet policisë Shkodër për veprime të mëtejshme procedurale. Grupi hetimor po vijon punën hetimore për sqarimin e rrethanave të aksidentit.

Aksi Shkodër-Koplik është një nga akset më problematike për shkak edhe të mungesës së ndriçimit.