Gjatë konferencës për shtyp pas takimit me Joe Biden, presidenti rus Vladimir Putin nuk i ka kursyer komplimentet për shefin e Shtëpisë së Bardhë.
Presidenti rus e përshkroi Biden si “burrë shteti me përvojë”. Putin tha se folën në detaje për tre orë, që sipas tij është diçka që nuk mund të bësh me shumicën e politikanëve.
“Ai është shumë ndryshe nga Presidenti Trump,” tha Putin.
Përpara gazetarëve, Putin i cilësoi diskutimet mes tij dhe Biden si “shumë konstruktive”. Presidenti rus tha ndër të tjera se ranë dakord të kthejnë diplomatët e dëbuar nga vendet e njëri-tjetrit. Kështu, ambasadorët e SHBA dhe Rusisë do të kthehen në postet e tyre diplomatike.
