Ukrainës dhe Moldavisë u jepet statusi i vendit kandidat për anëtarësim në BE

Samiti i Bashkimit Evropian gjatë diskutimeve nëse do t’i jepte statusin si vend kandidat në BE, Ukrainës ka marrë vendimin.

Këshilli i Evropës sapo ka vendosur që Ukrainës dhe Moldavisë t’u jepet statusi i vendit kandidat për t’u anëtarësuar në BE.

Lajmin e bën të ditur presidenti i KiE, Charles Michel në një postim në Twitter.”

Një moment historik e cilëson Michel këtë zhvillim të radhës për rrugën e integrimit të Ukrainës në bllok.

“Marrëveshje. Këshilli i Evropës sapo ka vendosur që të japë statusin e vendit kandidat në BE për Ukrainën dhe Moldavinë. Një moment historik. Sot shënohet një hap vendimtar në rrugën tuaj drejt BE-së. Urime @ZelenskyyUa dhe @sandumaiamd dhe popullit të Ukrainës dhe Moldavisë. E ardhmja jonë është së bashku.”

Të 27-të udhëheqësit e BE-së u takuan sot, takim që do të vazhdojë dhe nesër për të diskutuar aplikimet për anëtarësim në BE dhe për Gjeorgjinë, si dhe çështjet aktuale ekonomike me të cilat po përballet BE.