Vera në Shqipëri erdhi bashkë me investitorët strategjik ku më shumë se investitor janë miq të qeveritarëve. Pas resortit që do të ndërtojë, burri i Ministres së Jashtme, Olta Xhaçka, në jug, radhën e ka babait të ish-drejtorit të UKT-ës, me shef Erion Veliajn, Redi Mollës.
Ditët e fundit qytetarëve të Durrësit u ka bërë përshtypje një hotel i ri që ka njoftuar ndërtimin së shpejti m’u në mes të shëtitores së Vollgës. Hoteli që do quhet “Croëne Plaza” është njoftuar që do të jetë me 5 yje dhe është përfaqësim i një prej markave të hotelerive në botë “IHG Hotels & Resorts”.
73-vjeçarit Selim Molla i është dhënë statusi invesitor strategjik për hotelin me 5 yje në mes të shëtitores së Vollgës. Dhe këtë statues e ka fituar vetëm duke qenë mik i Erion Veliajt, pasi kapitali i kompanisë së tij “Restur” është vetëm 100 Lekë dhe nuk ka përvojë të mëparshme në hoteleri-turizëm por as regjistra financiarë të veprimtarisë së saj në asnjë lloj fushe.
Crowne Plaza Durrës është parashikuar të hapet në vitin 2024 dhe do të ofrojë 140 dhoma për pushuesit, si dhe një restorant, bar dhe sallë pritjeje, ambiente salla takimesh dhe një zonë Wellness duke përfshirë një spa, palestër dhe pishinë të brendshme. Ai do të përfshijë një terminal të ri lundrimi, marinë, hapësira të gjelbra dhe rrugë biçikletash. Pra, hoteli është kamufluar nën emrin e babait pensionit të Redi Mollës dhe si pronar në background qëndron një personazh i fuqishëm i botës së biznesit, emër ende i pazbuluar për publikun shqiptar.
Molla ka blerë 24% të aksioneve të kompanisë “Mediterranean Investment Group” që do ndërtojë hotelin, me vlerë mbi 200.000 $, teksa vlera e hotelit shkon mbi 20 MLN €. Një tjetër fakt ku njerëzit që kanë lidhje me Lali Erin, derdhin miliona lekë në kulla që tashmë mesa duket do shtrihet edhe në Durrës.
Discussion about this post